GULA 13
Alang sa uban usa lang ka yanong bar o balay kalingawan nga anaa sa hilit nga lugar nga nahimutang sa sentro nga bahin sa dakbayan ang gisudlan sa mga trabahante sa ARBEN SALON. Usa ka gamayng gambalay nga sagad og paboritong adtuan sa bout malingaw sa pila lamang ka mga gutlo.
Alas 6 sa gabii dungan sa pagsiga sa mga nagkadaiyang suga mao nay timailhan nga abli na ang HEAVEN’S GATE BAR, adunay mga nagkadaiyang mga kan-anan sa gawas nga bahin og ang uban gani niini dinhi magtapok samtang adunay kalingawan sa sulod nga bahin sa maong bar.
Pagpatak sa alas- 10 sa gabii, kalit nga mabag-o ang tanan. Kalit nga mapalong ang hayag kaayo nga suga sa gawas nga bahin apan pabilin gihapon ang mga nagtinda og ilimnon. Manggawas ang mga nagkadaiyang mga matang sa babaye nga mamort kaayo, walay pili sa edad, apil na usab ang mga laki nga dili mahibal-an kung unsa ang ka bisihan nga sige’g paniid sa kilid-kilid.
Mideretso'g sulod silang nila Jessie og ang iyang mga kaubanan ngadto sa bar aron masugdan ang gikahinaman nga show. Medyo ngit-ngit ang sulod nga bahin sa maong bar og tama ra nga makit-an kung unsa man ang pasundayag sa gamayng stage nga gibutang sa maong lawak.
Sa may kilid nga bahin adunay usa ka gamayng tindahan og didto ang namaligya og mga ilimnon. Usa ka hinay lang nga musika ang nadunggan nilang Jessie samtang sila nanulod. Wa pa na nagsugod ang sikat na kaayong show nga nabantog bisan sa layo kaayong isla, nga gibaniog man usab sa mga langyaw’ng mangisngisda nga makasuroy sa maong bar.
MI- order og tag-usa ka boteng beer silang ni Jessie og iyang mga kaubanan og nangitag pwesto nga kalingkuran sa dili halayo sa stage. Samtang ginapaabot pa nga manulod ang ubang mga bisita nga anaa pa sa gawas, usa ka screen usab ang gituyog butang nga makit-an ang nag sayaw sayaw nga babaye nga nag panty ra aron nga malingaw ang mga anaa sa sulod.
Pila ka mga gutlo, milanog na ang mikropono sa tingog sa usa ka bayot isip emcee timaan nga magsugod na ang pinaka kulbahinam nga show.
( SUMPAYAN)
No comments:
Post a Comment