ROOM 69- GULA 5

ROOM 69

GULA 5

“ A, diay pa, molarga diay ko” si Grace pa samtang mipaburhot sa iyang sigarilyo human sa ilang kombate.

“ Diay ba? Nus a man ka mobalik?” pangutana ni Jessie samtang naghigda sa katre bugtong habol lang ang sapin sa iyang lawas.

Sa huna-huna ni Jessie, wa niya panumbalinga kung asa man moadto si Grace og kanus-a man kini mobalik. Alang kaniya, dula-dula lang ang tanan.

“ Muadto sa kog Manila, tua man agaw nako didto”. Pamasin nga makakuha nakog VISApara abroad”.

“ Pag- amping dinhi, bhe ha kon ugaling man nga dili nako makabalik dinhi sa gensan”

Way tubag si Jessie sa gisugilon sa iyang hinigugma, igo na lamang kining migakos sa dalaga og subling nag akob na usab ang ilang mga ngabil alang sa ikaduhang bugna nga kombate sa kama.

Alas nwebe sa buntag ang oras sa In ni Jessie sa iyang ginatrabahuang Barber Shop. Sa pila ka tuig niyang trabaho sa Arben Salon, dili na siya layo sa tag iya, murag kabanay na pod siya.

Daghan- daghan naman pod og suki ang maong salon tungod nga barato kini kon itandi sa uban nga mga salon sa palibot sa downtown sa dakbayan. Og gawas sa pag pagupit, naa pod sila manicure, pedicure, masahe og uban pa.

Sa gawas sa salon, tua nagtambay ang mga habal-habal drivers. Naay tigpamaligyag banana cue sa gawas nga bahin nga dugay ng panahong giakopar ang pwesto ni Nang Coring.

Suki na pod ni Jessie si Nang Coring. Atol sa isnaks, piniritong saging ang permi niyang paliton.

Pinasahi kadtong adlawa, kay kauban ni Nang Coring ang iyang pag umangkon sa pagpamaligya nga si ERIKA. Gwapa si Erika, gibanabanaang 22 anyos ang iyang edad. Perpekto kaayo ang hulma sa lawas niini.

Usa ka aura sa usa ka maanyag nga dalaga nga wala makalingkawas sa mga mata ni Jessie nga ganina nang nagsud-ong sa sulod sa salon.

“ EHEM, igham ni Jessie. Naa na diay kini sa gawas og nagpakarung-ingnon nga mopalit og saging atol nga wal apod si Nang Coring OG nag-inusara ra si Erika nga nagbantay.

“Aha man diay si Nang Coring”? pangutana niya.

“ Aw kuan, kuya naa lay gikuha sa balay”. Tubag sa dalaga.

“ Wa gyud magsaba si Nang Coring da, nga naa diay siyay paryenteng gwapa?!”

Mipahiyom ra si Erika sa pagdayeg ni Jessie ngadto kaniya. Murag lag kilat nagka ilhanay na silang Erika og Jessie hangtod sa misampot sa nangimbita si Jessie ngadto sa dalaga aron sa pagpanglaag. ( SUMPAYAN)