ROOM 69

ROOM 69

GULA 14

DUngan sa mga musika milanog sa maong lawak, migawas ang mga lahi ni EBA. Mga lima ka mga babaye nagsul-ob og puti nga panapton, miduyog sa musikang gipatukar sa maong gamayng lawak. Dili mapugngan usab ang palakpakan sa mga anaa didto sa kon diin ang uban siguro naanad na sa sige’g sulod sa maong lawak.

Nindot kaayo ang mga lawas sa maong mga linalang. Gibanabanaang mokabat sa 25 anyos ang pinaka tigulang sa maong mga babaye, og uban niini mga bata pa.
Sa tunga-tunga sa show, amat –amat ng mipalong ang suga sa palibot og didto na lamang naka pukos sa entablado. Naghinay-hinay usab nga natangtang ang mga salimbong sa kalawasan sa mga EBA. Ganina nga putos pa kini sa mala-diyosang panapton apan karon bugting gagmay’ng panapton na lamang ang nagtabon sa dughan og ubos nga bahin sa mga babaye.

Igo lang mipaburhot si Jessie sa iyang sigarilyo nagsud-ong sa maong show, sukwahi sa uban nga nag sige na og syaget og palakpak sa ilang nakita.
Ang uban gani halos mosaka na stage aron apilan ang mga mamort kaayong mga tsiks sa entablado.

Kanya-kanyag style mosayaw ang mga performer, adunay mobika sa bangko duyog sa malamyos nga mga musika. Ang uban usab mosaka sa usa ka tubo og didto mopadalusdos ang ilang mga lawas.

Apan usa, siguro mga 20 anyos ang pangedaron ang mikanaog sa stage og plano mudoul sa mga nanan-aw. Dinhi maoy nakapaaghat sa mga nanan-aw sa tumang siyagit tungod kay star dancer diay nila kadto ang mikanaog sa stage, og didto paingon sa nahimutangan ni Jessie.
(sumpayan pa)